Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
111:1 O-ló Siōng-chú
Lín tio̍h oló Siōng-chú! Tī chèng-ti̍t lâng ê chū-hōe tiong kah gī-hōe tiong, góa beh choan-sim kám-siā Siōng-chú.
111:2 Siōng-chú ê chok-ûi chin úi-tāi; hoān-nā kah-ì I só͘ chò ê lóng ē hoaⁿ-hí chhâ-khó.
111:3 I ê chok-ûi sī chun-kùi koh ū ui-giâm; I ê kong-gī éng-oán chûn-chāi.
111:4 Siōng-chú kiâⁿ kî-sū hō͘ lâng thang kì-liām; I ū un-hūi, koh ū liân-bín.
111:5 I siúⁿ-sù bí-niûⁿ hō͘ kèng-ùi I ê lâng; I ē éng-oán kì-liām I ê iok.
111:6 I tùi I ê chú-bîn hián-bêng tōa koân-lêng ê chok-ûi; kā lia̍t pang ê sán-gia̍p siúⁿ-sù hō͘ in.
111:7 I ê chhiú só͘ chò ê sī sìn-si̍t kong-pêⁿ; I ê kà-sī lóng sī khak-si̍t,
111:8 I hō͘ éng sè-tāi kian-kò͘, sī chiàu sìn-si̍t chèng-ti̍t lâi siat-li̍p.
111:9 I kiù-sio̍k I ê chú-bîn, I tiāⁿ tio̍h I ê iok it-ti̍t kàu éng-oán; I ê miâ sī sèng, thang kiaⁿ-ùi ê.
111:10 Kèng-ùi Siōng-chú sī tì-hūi ê kin-pún, kiàn-nā chiàu ánne kiâⁿ ê chiah sī chhong-bêng. Siōng-chú ê miâ siū oló, ti̍t-kàu éng-oán!
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。