Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
113:1 O-ló Siōng-chú ê Chì-siān
Lín tio̍h oló Siōng-chú! Siōng-tè ê lô͘-po̍k, lín tio̍h oló, oló Siōng-chú ê miâ.
113:2 Goān Siōng-chú ê miâ siū oló, tùi chit sî kàu éng-oán;
113:3 Tùi ji̍t chhut kàu ji̍t lo̍h ê só͘-chāi; Siōng-chú ê miâ sī eng-kai siū oló.
113:4 Siōng-chú iâⁿ-kòe só͘-ū ê kok, I ê êng-kng pí thiⁿ khah koân.
113:5 Siáⁿ lâng chhin-chhiūⁿ Siōng-chú — lán ê Siōng-tè? I chē tī chì-koân ê só͘-chāi,
113:6 I kakī khiam-pi teh koan-khòaⁿ thiⁿ-téng kah tē-chiūⁿ ê tāichì.
113:7 I tùi tîn-ai kí-khí sànchhiah lâng, tùi pùn-sò-tui thê-poa̍t khiàm-khoeh ê lâng,
113:8 I hō͘ in kah kùi-cho̍k chò-hóe chē, to̍h-sī kah pún-kok ê kùi-cho̍k chē chò-hóe.
113:9 I hō͘ bē seⁿ kiáⁿ ê chabó͘ lâng liāu-lí ka-têng, chò chin chē kiáⁿ ê lāu-bú lâi hoaⁿ-hí. Lín tio̍h oló Siōng-chú!
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。