Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
114:1 Pôaⁿ-kòe-cheh ê Koa
I-su-la-el lâng chhut Ai-gi̍p, ngá-kok ke lī-khui giân-gí bē thong ê jîn-bîn;
114:2 Hit sî, Iô-tah chò I ê sèng-só͘, I-su-la-el chò I ê pang-kok.
114:3 Tōa hái khòaⁿ tio̍h chiū tô-cháu; Iol-tàn hô mā tò-tńg-lâu.
114:4 Tōa soaⁿ chhin-chhiūⁿ iûⁿ-káng teh tiô-thiàu; sió soaⁿ chhin-chhiūⁿ iûⁿ-á-kiáⁿ teh tiô-thiàu.
114:5 Tōa hái, lí ūi siáⁿ tāichì tio̍h tô-cháu? Iol-tàn hô, lí ūi siáⁿ tāichì tio̍h tò-tńg-lâu?
114:6 Tōa soaⁿ, lí ná ē chhin-chhiūⁿ iûⁿ-káng teh tiô-thiàu? Sió soaⁿ, lí ná ē chhin-chhiūⁿ iûⁿ-á-kiáⁿ teh tiô-thiàu?
114:7 Tē, lí kìⁿ tio̍h Chú ê bīn, kìⁿ tio̍h Iâ-kop ê Siōng-tè ê bīn, chiū tio̍h phi̍h-phi̍h chhoah.
114:8 I hō͘ chio̍h-pôaⁿ piàn-chò chúi-tî, hō͘ chio̍h-giâm piàn-chò chúi-chôaⁿ.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。