Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
137:1 Ūi I-su-la-el Lâng Siū Lia̍h Ai-siong Thó͘-khùi
Goán bat chē tī Ba-bú-lông ê hô piⁿ, chi̍t ē siūⁿ tio̍h Si-óng, ba̍k-sái chiū lâu lo̍h-.lâi.
137:2 Goán kā goán ê khîm, tiàu tī hia ê liú-chhiū.
137:3 In-ūi tī hia, lia̍h goán ê ài goán chhiùⁿ koa, chhiúⁿ goán ê ài goán khoài-lo̍k, kóng, Lín tio̍h kā goán chhiùⁿ chi̍t siú Si-óng ê koa!
137:4 Goán tī gōa-pang, ná chhiùⁿ ē chhut Siōng-chú ê koa?
137:5 Ê-lú-sa-lèm, góa nā bē kì-tit lí, goān góa ê chiàⁿ chhiú sit-lo̍h i ê pún-lêng!
137:6 Góa nā bē kì-tit lí, nā bô kā Ê-lú-sa-lèm khòaⁿ-chò góa siōng hoaⁿ-hí ê, goān góa ê chi̍h liân tī góa ê téng-hâm.
137:7 Ê-lú-sa-lèm tú tio̍h hoān-lān ê sî, E-tóm lâng kóng, Kā i thiah-húi! Kā i thiah-húi! Ti̍t-ti̍t thiah kàu tē-ki! Siōng-chú ah, kiû Lí ē kì-tit hit ji̍t!
137:8 Teh beh siū bia̍t ê Ba-bú-lông siâⁿ, kā lí pò-èng chhin-chhiūⁿ lí khoán-thāi goán ê, hit khoán lâng ū hok-khì.
137:9 Lia̍h lí ê eⁿ-á lâi siak tī chio̍h-pôaⁿ ê, hit khoán lâng ū hok-khì!
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。