Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
140:1 Kî-kiû Pó-hō͘
（ Ta-bi̍t ê si, kau hō͘ ga̍k-koaⁿ. ）Siōng-chú ah, kiû Lí kiù góa thoat-lī pháiⁿ lâng, pó-hō͘ góa thoat-lī hiong-ok ê lâng!
140:2 In ê sim-lāi tô͘-bô͘ siâ-ok, tiāⁿtiāⁿ chū-chi̍p ài beh kau-chiàn.
140:3 In hō͘ in ê chi̍h LBK kah chhin-chhiūⁿ chôa, chhùi-tûn ū to̍k-chôa ê to̍k. [Sè-la̍h]
140:4 Siōng-chú ah, kiû Lí pó-siú góa thoat-lī pháiⁿ lâng ê chhiú, pó-hō͘ góa thoat-lī hiong-ok ê lâng! In siūⁿ beh chhia hō͘ góa poa̍h-tó.
140:5 Kiau-ngō͘ ê lâng ūi góa thau-thau-á tiuⁿ oa̍h-tauh kah soh-á; in tī lō͘ piⁿ an lô-bāng, Siat khoan-thò beh hāi góa. [Sè-la̍h]
140:6 Góa bat tùi Siōng-chú kóng: Lí sī góa ê Siōng-tè. Siōng-chú ah, kiû Lí àⁿ hīⁿ-khang thiaⁿ góa khún-kiû ê siaⁿ!
140:7 Chì-koân Siōng-chú — góa kiù-un ê khùi-la̍t, tī kau-chiàn ê ji̍t, Lí pó-hō͘ góa ê thâu-khak.
140:8 Siōng-chú ah, kiû Lí m̄ thang chiàu pháiⁿ lâng só͘ ì-ài ê; m̄ thang hō͘ in ê kè-bô͘ sêng-kong, tì-sú in ē kiau-ngō͘. [Sè-la̍h]
140:9 Hiahê ûi-khùn góa ê lâng gia̍h thâu chū-ko, goān in chhùi-tûn ê siâ-ok hāi tio̍h in kakī!
140:10 Goān jia̍t-jia̍t ê hóe-thòaⁿ lo̍h tī in ê sin chiūⁿ! Goān in hō͘ lâng hiat tī hóe-.ni̍h, hiat tī chhim kheⁿ lāi, bē koh khí-.lâi.
140:11 Goān kóng pháiⁿ ōe ê lâng tī tē-chiūⁿ khiā bē tiâu; goān chai-eh jiok kiông-pō ê lâng, kā in lóng phah-tó.
140:12 Góa chai Siōng-chú ē ūi khùn-khó͘ ê lâng sin-oan, ē ūi sànchhiah lâng chú-chhî kong-tō.
140:13 Gī lâng it-tēng ē kám-siā Lí ê miâ; chèng-ti̍t ê lâng ē khiā tī Lí ê bīn-chêng.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。