Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
141:1 Àm-sî ê Kî-tó
（ Ta-bi̍t ê si. ） Siōng-chú ah, góa bat kiû-kiò Lí; kiû Lí kóaⁿ-kín lîm-kàu góa! Góa kiû-kiò Lí ê sî, goān Lí àⁿ hīⁿ-khang thiaⁿ góa ê siaⁿ!
141:2 Goān góa ê kî-tó chhin-chhiūⁿ hiuⁿ pâi tī Lí ê bīn-chêng! Goān góa gia̍h-khí ê chhiú chhin-chhiūⁿ àm-sî ê chè-sū!
141:3 Siōng-chú ah, kiû Lí iok-sok góa ê chhùi, pé-siú góa chhùi-tûn ê mn̂g.
141:4 Kiû Lí bô hō͘ góa ê sim phian-ǹg siâ-ok, tì-sú góa kah chok-gia̍t ê lâng tàu-tīn chò pháiⁿ sū, mā bô hō͘ góa chia̍h in ê hó mi̍h.
141:5 Hō͘ gī lâng phah, góa sǹg-chò sī jîn-chû; hō͘ i chek-pī, góa sǹg-chò sī tī góa thâu-khak téng boah iû lâi hoan-gêng góa. Tng in chò pháiⁿ ê sî, góa iû-goân beh ūi in kî-tó.
141:6 In ê sím-phòaⁿ-koaⁿ ē hông hiat-lo̍h soaⁿ-khàm; in chiū ē thiaⁿ góa ê ōe, in-ūi chiahê ōe sī tiⁿ.
141:7 Goán ê kut-thâu sì-sòaⁿ tī bōng piⁿ, chhin-chhiūⁿ lâng choh-chhân lê-khui hit-ê thô͘.
141:8 Chì-koân Siōng-chú ah, góa ê ba̍k-chiu ǹg Lí; góa óa-khò Lí, kiû Lí m̄ thang pàng-sak góa lâi hō͘ góa ê sîn-hûn bô i-óa!
141:9 Kiû Lí pó-hō͘ góa thoat-lī in ūi tio̍h góa tiuⁿ ê lô-bāng kah pháiⁿ lâng ê khoan-thò!
141:10 Goān pháiⁿ lâng hām-lo̍h tī in kakī ê lô-bāng, chóng-.sī, góa tit tio̍h thoat-lī.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。