Si-phian/詩篇簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
142:1 Kiû Chú Khòaⁿ-kò͘
（ Ta-bi̍t tī tōng lāi ê sî, chò chit-siú kà-sī ê si, mā sī kî-tó. ）Góa tōa-siaⁿ kiû-kiò Siōng-chú, chhut siaⁿ khún-kiû Siōng-chú.
142:2 Góa tī I ê bīn-chêng thò͘-chhut góa ê khó͘-chêng, góa tī I ê bīn-chêng pâi-lia̍t góa ê hoān-lān.
142:3 Góa ê sim-sîn tī góa ê lāi-bīn hūn-.khì ê sî, Lí chai góa ê lō͘; tī góa teh kiâⁿ ê lō͘, in ūi tio̍h góa thau-thau-á tiuⁿ oa̍h-tauh.
142:4 Kiû Lí ǹg góa ê chiàⁿ pêng lâi khòaⁿ, in-ūi bô lâng bat góa; góa bô tè thang tô-siám, mā bô lâng khòaⁿ-kò͘ góa.
142:5 Siōng-chú ah, góa bat tùi Lí ai-kiû, kóng, Lí sī góa tô-siám ê só͘-chāi; tī oa̍h-lâng ê sè-kan, Lí sī góa ê ki-gia̍p.
142:6 Kiû Lí àⁿ hīⁿ-khang thiaⁿ góa ê kiû-kiò, in-ūi góa hām-lo̍h kàu ke̍k pi-chhám ê tē-pō͘; kiû Lí kiù góa thoat-lī pek-hāi góa ê lâng, in-ūi in pí góa khah kiông.
142:7 Kiû Lí chhōa góa chhut kaⁿ, góa chiū thang oló Lí ê miâ; gī lâng ē ûi tī góa ê sin piⁿ, in-ūi Lí ēng un-tián khoán-thāi góa.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。