Í-se-kiat su/以西結書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
15:1 Phû-tô-chhiū ê Phì-jū
Siōng-chú ê ōe lîm-kàu góa, kóng,
15:2 " Jîn-chú, phû-tô chhiū to̍h-sī chhiū-nâ lāi ê chhiū-ba̍k tiong ê chi̍t châng, i pí ta̍k chióng chhiū ū siáⁿ-mi̍h khah iâⁿ?
15:3 Kám ē thang tùi i chhú chhâ-liāu lâi chò siáⁿ-mi̍h lō͘-ēng? Á-sī thang ēng i chò khit-á lâi tiàu siáⁿ-mi̍h khì-kū?
15:4 Lí khòaⁿ, sī hông hiat tī hóe-.ni̍h chò hóe-chhâ, siang thâu í-keng hō͘ hóe sio liáu-liáu, tiong-ng mā sio-tiāu, kám iáu ū siáⁿ-mi̍h lō͘-ēng? "
15:5 Lí khòaⁿ, hó-hó ê sî siōng-chhiáⁿ bô ha̍h siáⁿ-mi̍h lō͘-ēng, hô-hòng hō͘ hóe sio liáu, í-keng pháiⁿ-.khì à, kám iáu ē ha̍h siáⁿ-mi̍h lō͘-ēng? "
15:6 Só͘-í, chì-koân Siōng-chú ánne kóng, " Chhin-chhiūⁿ chhiū-nâ lāi chiahê chhiū tiong ê phû-tô chhiū, Góa só͘ kau-hù tī hóe tiong chò hóe-chhâ ê, Góa mā beh chiàu ánne khoán-thāi Ê-lú-sa-lèm ê chú-bîn.
15:7 Góa beh tùi in pìⁿ-bīn; in tùi hóe tiong chhut-.lâi, chóng-.sī, hóe ē kā in sio-bia̍t. Góa tùi in pìⁿ-bīn ê sî, lín chiū ē chai Góa sī Siōng-chú.
15:8 Góa beh hō͘ chit só͘-chāi hong-hùi, in-ūi in chò tāichì lâi hoān chōe. Che sī chì-koân Siōng-chú kóng ê. "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。