Sat-ka-lī-a su/撒迦利亞書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
2:1 Chîn-soh ê Ī-siōng
Góa koh gia̍h thâu koan-khòaⁿ, lí khòaⁿ, ū chi̍t-ê lâng chhiú the̍h chîn-soh.
2:2 Góa kóng, " Lí beh khì tó-ūi? " I kā góa kóng, " Beh khì niû Ê-lú-sa-lèm, khòaⁿ i ū gōa khoah, ū gōa tn̂g. "
2:3 Lí khòaⁿ, kah góa kóng-ōe ê sù-chiá chhut-.khì, koh ū chi̍t ūi sù-chiá chhut-lâi kā i gêng-chiap,
2:4 tùi i kóng, " Lí kín khì kā hit-ê siàu-liân lâng kóng, ' Ê-lú-sa-lèm ē ū lâng tòa, chhin-chhiūⁿ bô siâⁿ chhiûⁿ ê hiuⁿ-lí, in-ūi hit tiong-kan ê lâng kah chengseⁿ chin chē. '"
2:5 Siōng-chú kóng, " Góa beh chò i sì-kho͘-ûi ê hóe siâⁿ, Góa mā beh chò in tiong-kan ê êng-kng. "
2:6 Ho͘-kiò Siū-lia̍h ê Lâng Tńg-lâi Kò͘-hiong
Siōng-chú kóng, "Eh! Eh! Lín tio̍h tùi pak-hong ê tē tô-cháu, in-ūi Góa í-keng kā lín sì-sòaⁿ, chhin-chhiūⁿ tī thiⁿ-.ni̍h sì-bīn ê hong. Che sī Siōng-chú kóng ê.
2:7 Eh! Tòa tī Ba-bú-lông ê Si-óng chú-bîn, lí tio̍h tô-thoat.
2:8 Bān-kun ê Siōng-chú kóng, tī êng-kng ê liáu-āu, chhe góa kàu hiahê chhiúⁿ-lia̍h lín ê lia̍t kok, hoān tio̍h lín ê to̍h-sī hoān tio̍h I ba̍k-chiu tiong ê tông-chú. "
2:9 Lí khòaⁿ, góa beh tī in ê téng-bīn lāng góa ê chhiú, in chiū ē hō͘ in ê lô͘-po̍k chhiúⁿ-kiap, lín chiū ē chai bān-kun ê Siōng-chú í-keng chhe-phài góa à.
2:10 Siōng-chú kóng, " Si-óng ê chú-bîn, lín tio̍h chhiùⁿ koa hoaⁿ-hí, lí khòaⁿ, in-ūi Góa beh lâi, beh tiàm tī lín ê tiong-kan. Che sī Siōng-chú kóng ê. "
2:11 Hit ji̍t ē ū chin chē kok kui-óa Siōng-chú, chò I ê chú-bîn. Jî-chhiáⁿ I beh tiàm tī lí ê tiong-kan, lí chiū ē chai sī bān-kun ê Siōng-chú chhe-phài góa lâi-kàu lí hia.
2:12 Siōng-chú beh tit tio̍h Iô-tah chò I ê sán-gia̍p tī sèng-tē, mā ē koh kéng-soán Ê-lú-sa-lèm.
2:13 Kiàn-nā ū hiat-khì ê, tī Siōng-chú ê bīn-chêng lóng tio̍h tiām-tiām; in-ūi I tùi sèng ê só͘-chāi khí-.lâi.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。