Thê-to su/提多書簡介 線上收聽:中文和合本 台語聖經 台語聖經(長老會傳播中心授權） 客語聖經 福州話聖經 粵語和合本 希臘文 下載檔案 關於語音聖經
2:1 Kiān-choân ê Kàu-gī
Chóng-.sī, lí ê kà-sī tio̍h hû-ha̍p kiān-choân ê kàu-gī.
2:2 Tio̍h khǹg lāu lâng m̄ thang ài lim chiú, tio̍h toan-chong siú-kí, koh ū sûn-choân ê sìn-gióng, thiàⁿ-sim kah nāi-sim.
2:3 Lí mā tio̍h ánne khǹg lāu hū-jîn-lâng, giân-hêng kú-chí tio̍h ha̍h tī kèng-khiân ê sìn-gióng, m̄ thang húi-pòng, mā m̄ thang chò chiú-kúi; tio̍h chò hó bô͘-hoān lâi kà-sī lâng,
2:4 Chiah ē-tàng kà-sī siàu-liân ê hū-jîn-lâng thiàⁿ in ê tiōng-hu, thiàⁿ in ê kiáⁿ-jî,
2:5 Koh tio̍h siú-kí, cheng-kiat, liāu-lí ka-sū, siān-liông, sūn-ho̍k kakī ê tiōng-hu, chiah bián-tit Siōng-tè ê tō-lí siū húi-pòng.
2:6 Lí mā tio̍h ánne khǹg siàu-liân ê chapo͘ lâng siú-kí.
2:7 Ta̍k hāng tāichì lí tio̍h kakī chò hó bô͘-hoān. Kà-sī lâng ê sî tio̍h sêng-khún toan-chong,
2:8 Giân-sû tio̍h toan-chiàⁿ, bô thang hō͘ lâng chí-chek, hō͘ hiahê hoán-tùi ê lâng bô thang kóng lán ê pháiⁿ ōe, hoán-tńg ē kakī kám-kak kiàn-siàu.
2:9 Tio̍h khǹg lô͘-po̍k tio̍h sūn-ho̍k chú-lâng, ta̍k hāng tāichì hō͘ in hoaⁿ-hí, bô ìn-chhùi ìn-chi̍h;
2:10 Mā m̄ thang thau-the̍h, tio̍h piáu-hiān cha̍p-hun ê tiong-sìn, thang tī ta̍k hong-bīn êng-kng lán ê Kiù-chú Siōng-tè ê kà-sī.
2:11 In-ūi Siōng-tè chín-kiù choân jîn-lūi ê un-tián í-keng hián-bêng chhut-.lâi.
2:12 Chit-ê un-tián teh kéng-kài lán tio̍h khì-sak bô kèng-khiân ê seng-oa̍h kah sio̍k-sè ê su-io̍k, tī chit-ê sè-kan kòe siú-kí, kong-gī kah kèng-khiân ê seng-oa̍h,
2:13 Ēng ánne lâi thèng-hāu hit-ê chhiong-móa hok-khì ê ǹg-bāng, to̍h-sī lán chì-chun ê Siōng-tè kah kiù Chú I-é-su Ki-tok êng-kng ê hián-hiān.
2:14 Ki-tok ūi tio̍h lán hiàn kakī ê sèⁿ-miā, sī beh kiù-sio̍k lán thoat-lī it-chhè ê chōe-ok, hō͘ lán chiâⁿ-chò I sûn-kiat ê chú-bîn, thang jia̍t-sim chò hó sū.
2:15 Chiahê tāichì lí tio̍h kóng, tio̍h chhiong-hun ūn-iōng lí ê chit-koân lâi khó͘-khǹg lâng kah chek-pī lâng. M̄-thang hō͘ lâng kā lí khòaⁿ-khin.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。