Bîn-sò͘ kì/民數記簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
17:1 A-lông ê Koái-á
Siōng-chú hoan-hù Mô͘-se kóng,
17:2 " Lí kā I-su-la-el lâng kóng: Tùi in gia̍h koái-á, ta̍k chi-cho̍k chi̍t ki, to̍h-sī tùi hiahê chi-cho̍k ê siú-léng, chóng-kiōng gia̍h cha̍p-jī ki. Lí siá ta̍k lâng ê miâ tī i ê koái-á.
17:3 Tī Lē-bī hit ki koái-á tio̍h siá A-lông ê miâ, in-ūi ta̍k chi-cho̍k ê thâu-lâng lóng ū chi̍t ki koái-á.
17:4 Lí tio̍h kā hiahê koái-á hē tī hōe-bō͘ lāi hoat-kūi ê thâu-chêng, to̍h-sī Góa kah lín siong-hōe ê só͘-chāi.
17:5 Góa só͘ kéng hit-ê lâng, i ê koái-á ē puh-gê; ánne Góa beh hō͘ I-su-la-el lâng ai-oàn ê ōe, to̍h-sī in só͘ ai-oàn lín ê ōe, lóng soah, bô koh hō͘ Góa thiaⁿ-.tio̍h. "
17:6 Mô͘-se chiū kā I-su-la-el lâng kóng, in ê siú-léng chiū kā koái-á kau hō͘ i, chiàu in ê chi-cho̍k chi̍t-ê siú-léng chi̍t ki, kiōng cha̍p-jī ki koái-á; A-lông ê koái-á mā tī hiahê koái-á ê tiong-kan.
17:7 Mô͘-se chiū kā hiahê koái-á hē tī hoat-kūi ê pò͘-pêⁿ lāi, tī Siōng-chú ê bīn-chêng.
17:8 Keh tńg kang, Mô͘-se ji̍p-khì hoat-kūi ê pò͘-pêⁿ; lí khòaⁿ, sio̍k Lē-bī ê ke, A-lông ê koái-á, í-keng puh-gê, seⁿ hoe-m̂, khui hoe, kiat-chiâⁿ hēng-jîn.
17:9 Mô͘-se tùi Siōng-chú ê bīn-chêng gia̍h hiahê koái-á chhut-.lâi, kàu I-su-la-el ê kûn-chiòng hia; in khòaⁿ tio̍h ta̍k lâng gia̍h in ê koái-á.
17:10 Siōng-chú tùi Mô͘-se kóng, " Kā A-lông ê koái-á iû-goân hē tī hoat-kūi chêng, lâu-.leh, chò chiahê pōe-ge̍k ê lâng ê kàm-kài; ánne lí chiū ē hō͘ in tùi Góa ai-oàn ê ōe soah, bián-tit in sí-bông. "
17:11 Mô͘-se ánne kiâⁿ, sī chiàu Siōng-chú só͘ bēng-lēng ê lâi kiâⁿ.
17:12 I-su-la-el lâng tùi Mô͘-se kóng, " Lí khòaⁿ, goán sí à, goán bia̍t-bông à, lóng bia̍t-bông à.
17:13 Kiàn-nā óa-kīn, to̍h-sī óa-kīn Siōng-chú ê hōe-bō͘ ê lóng sí; goán kám ē lóng-chóng sí-.khì? "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。