| 章節 | 全民台語聖經全羅經文 | 註釋 |
| 38:1 | Iô-tah kah Tha-malHit sî, Iô-tah lī-khui i ê hiaⁿ-tī, lo̍h-khì kàu chi̍t-ê A-tu-lâm lâng, miâ kiò-chò Hi-la̍h ê ke. | 註釋 串珠 盧華 盧導讀台 |
| 38:2 | Iô-tah tī hia khòaⁿ tio̍h chi̍t-ê Ka-nân lâng, miâ kiò-chò Siú-oa ê chabó͘ kiáⁿ, chiū chhōa i kah i tâng-pâng. | 註釋 串珠 盧華 盧導讀台 |
| 38:3 | I chiū hoâi-īn seⁿ kiáⁿ, Iô-tah chiū kā i hō-miâ kiò-chò El. | 註釋 串珠 盧華 盧導讀台 |
| 38:4 | I koh-chài hoâi-īn seⁿ kiáⁿ, lāu-bú kā i hō-miâ kiò-chò O-nán. | 註釋 串珠 盧華 盧導讀台 |
| 38:5 | I iū-koh seⁿ kiáⁿ, kā i hō-miâ kiò-chò Se-la̍h; i seⁿ Se-la̍h ê sî, Iô-tah tú-á tī Ku-chip. | 註釋 串珠 盧華 盧導讀台 |
| 38:6 | Iô-tah kā i ê tōa-kiáⁿ El chhōa bó͘, miâ kiò-chò Tha-mal. | 註釋 串珠 盧華 盧導讀台 |
| 38:7 | Iô-tah ê tōa-kiáⁿ El tī Siōng-chú ê bīn-chêng kiâⁿ pháiⁿ, Siōng-chú chiū hō͘ i sí. | 註釋 串珠 盧華 盧導讀台 |
| 38:8 | Iô-tah kā O-nán kóng, " Lí tio̍h kah lí ê hiaⁿ-só tâng-pâng, tùi i chīn lí chò sió-tī ê pún-hūn, kā lí ê a-hiaⁿ li̍p hō͘-sû. " | 註釋 盧華 盧導讀台 |
| 38:9 | O-nán chai só͘ seⁿ ê kiáⁿ bô kui tī i kakī, só͘-í, tâng-pâng ê sî, thiau-kò͘-ì ûi-siat tī tē-.ni̍h, bián-tit hō͘ i ê a-hiaⁿ ū hō͘-sû. | 註釋 串珠 盧華 盧導讀台 |
| 38:10 | I ê só͘ chò, Siōng-chú khòaⁿ-chò sī pháiⁿ-.ê, chiū hō͘ i mā sí. | 註釋 串珠 盧華 盧導讀台 |
| 38:11 | Iô-tah sim-lāi siūⁿ kóng, " Khióng-kiaⁿ Se-la̍h mā ē sí, kah i nn̄g-ê a-hiaⁿ sio-siâng. " Chiū tùi i ê sim-pū Tha-mal kóng, " Lí khì tiàm lín lāu-pē hia chiú-kóaⁿ, thèng-hāu góa ê kiáⁿ Se-la̍h tióng-sêng. " Tha-mal chiū tńg-.khì, tòa tī in lāu-pē ê chhù. | 註釋 串珠 盧華 盧導讀台 |
| 38:12 | Kòe chin kú, Iô-tah ê bó͘ Siú-oa ê chabó͘ kiáⁿ sí. Iô-tah siū an-ùi liáu-āu, chiū kah i ê pêng-iú A-tu-lâm lâng Hi-la̍h chiūⁿ-khì Tim-nah, kàu kā i chián iûⁿ-mn̂g ê lâng hia. | 註釋 串珠 盧華 盧導讀台 |
| 38:13 | Ū lâng kā Tha-mal kóng, " Lín ta-koaⁿ chiūⁿ-khì Tim-nah, khì chián i ê iûⁿ ê mn̂g. " | 註釋 串珠 盧華 盧導讀台 |
| 38:14 | Tha-mal khòaⁿ tio̍h Se-la̍h í-keng tióng-sêng, iáu bô beh chhōa i chò bó͘, chiū thǹg i chiú-kóaⁿ ê saⁿ, ēng phè tà bīn, koh moa seng-khu, chē tī khì Tim-nah ê lō͘-chiūⁿ ê E-ná-ìm siâⁿ mn̂g-kháu. | 註釋 串珠 盧華 盧導讀台 |
| 38:15 | Iô-tah khòaⁿ tio̍h i, lia̍h-chò sī chhiong-ki, in-ūi i ū tà bīn. | 註釋 串珠 盧華 盧導讀台 |
| 38:16 | Chiū oat-khì lō͘ piⁿ lâi kìⁿ i, kóng, " Lâi, hō͘ góa kah lí chò-hóe khùn. " In-ūi i m̄-chai i sī i ê sim-pū. I ìn kóng, " Lí beh kah góa khùn, beh ēng siáⁿ-mi̍h hō͘ góa? " | 註釋 串珠 盧華 盧導讀台 |
| 38:17 | Iô-tah kóng, " Góa tùi iûⁿ-kûn lāi lia̍h chi̍t chiah soaⁿ-iûⁿ-á, kià-lâi hō͘ lí. " I kóng, " Lí kám beh ēng siáⁿ-mi̍h hō͘ góa chò chún-tǹg, thèng-hāu lí kā i kià-.lâi? " | 註釋 串珠 盧華 盧導讀台 |
| 38:18 | Iô-tah kóng, " Góa tio̍h ēng siáⁿ-mi̍h hō͘ lí chò chún-tǹg? " I chiū kóng, " Lí ê ìn, lí ê tòa kah lí chhiú-.ni̍h ê koái-á. " Iô-tah chiū hō͘ i, jiân-āu kah i khùn, i chiū tùi Iô-tah hoâi-īn. | 註釋 串珠 盧華 盧導讀台 |
| 38:19 | Tha-mal khí-lâi lī-khui khì, thǹg i ê phè, iû-goân chhēng i chiú-kóaⁿ ê saⁿ. | 註釋 串珠 盧華 盧導讀台 |
| 38:20 | Iô-tah thok i ê pêng-iú A-tu-lâm lâng sàng chi̍t chiah soaⁿ-iûⁿ-á, beh tùi hit-ê chabó͘ lâng ê chhiú the̍h chún-tǹg, m̄ koh, chhōe bē tio̍h i. | 註釋 串珠 盧華 盧導讀台 |
| 38:21 | I chiū mn̄g hit só͘-chāi ê lâng kóng, " Hitê E-ná-ìm lō͘ piⁿ ê chhiong-ki tī tó-ūi? " In kóng, " Chia bô chhiong-ki. " | 註釋 串珠 盧華 盧導讀台 |
| 38:22 | I tńg-khì kìⁿ Iô-tah kóng, " Góa chhōe bô i, hit só͘-chāi ê lâng mā kóng, ' Chia bô chhiong-ki. '" | 註釋 串珠 盧華 盧導讀台 |
| 38:23 | Iô-tah kóng, " Chhut-chāi i the̍h-.khì, bián-tit lán kiàn-siàu. Lí khòaⁿ, góa beh kā chit chiah soaⁿ-iûⁿ-á sàng hō͘ i, lí kèng-jiân chhōe bô i. " | 註釋 串珠 盧華 盧導讀台 |
| 38:24 | Chha-put-to kòe saⁿ goe̍h-ji̍t, ū lâng kā Iô-tah kóng, " Lí ê sim-pū Tha-mal chò chhiong-ki, koh in-ūi i kiâⁿ kan-îm, sòa ū sin-īn. " Iô-tah kóng, " Kā i thoa chhut-lâi sio. " | 註釋 串珠 盧華 盧導讀台 |
| 38:25 | Tha-mal hō͘ lâng thoa chhut-.lâi ê sî, chiū chhe lâng khì kìⁿ i ê ta-koaⁿ, kóng, " Chiahê mi̍h sī siáⁿ lâng ê, góa to̍h-sī tùi i lâi hoâi-īn. " | 註釋 串珠 盧華 盧導讀台 |
| 38:26 | Koh kóng, " Chhiáⁿ lí jīn, khòaⁿ chit-ê ìn, tòa kah koái-á sī siáⁿ lâng ê. " Iô-tah jīn chhut-.lâi, chiū kóng, " I pí góa khah ū lí, in-ūi góa bô kā i kè hō͘ góa ê kiáⁿ Se-la̍h. " Τùi hit sî khí, Iô-tah bô koh chhin-kīn i. | 註釋 串珠 盧華 盧導讀台 |
| 38:27 | Tha-mal teh beh seⁿ ê sî, chai i pak-tó͘ lāi sī siang-seⁿ-á ê. | 註釋 串珠 盧導讀台 |
| 38:28 | Teh seⁿ ê sî, chi̍t-ê gín'á chhun chi̍t ki chhiú chhut-.lâi, sán-pô the̍h âng-sòaⁿ pa̍k tī i ê chhiú, kóng, " Chit-ê sī tāi-seng chhut-sì ê. " | 註釋 串珠 盧導讀台 |
| 38:29 | Āu-lâi, i ê chhiú kiu ji̍p-.khì, tē-jī-ê chhut-sì; sán-pô kóng, " Lí ná ē chông chhut-.lâi? " Só͘-í, kā i hō-miâ kiò-chò Hoa-lè-suh. | 註釋 串珠 盧導讀台 |
| 38:30 | Āu-lâi, hit-ê chhiú pa̍k âng-sòaⁿ ê mā seⁿ chhut-.lâi, chiū kā i hō-miâ kiò-chò Cha-la̍h. | 註釋 串珠 盧導讀台 |